Arben Grazhdani nga Qendra Klinike Universitare e Prishtinës, ka thënë se pas rastit të plagosjes avokati Azem Vllasi gjendet jashtë rrezikut për jetë.

Këto deklarime Grazhdani i dha në Info Magazine të Klan Kosovës, teksa pohoi se nga plagosja avokati Azem Vllasi ka pësuar dhe disa lëndime të tjera ku pritet dhe një tjetër ndërhyrje kirurgjike në ditët në vazhdim.

”Ka kaluar rrezikun për jetë. Plumbi ka hyrë në pjesën e përparshme të krahut. Ka shkaktu thyerje të klavikullës. Ka shkaktuar dhe dëmtime të indeve të buta e është ndal tek pjesa e qafës”, tha ai.

”Nuk kishte ndonjë problem të tërheqje së predhës. Për momentin nuk ka ndonjë intervenim tjetër për sot. Për momentin Vllasi është shumë mirë, ecë, lëvizë”.

”Ndërhyrja për stabilizimin e kockës së thyer nuk është urgjente ajo mund të bëhet. Rreziku varet krejt rreth kujdesit të mëtutjeshëm që i bëhet atij”.

”Vllasi neser mund të largohet nga spitali, nuk planifikohet të mbahet gjatë. Por më pas shëndeti i tij varet nga kujdesi e mëtutjeshëm për ndërhyrjet në vazhdim”, tha Grazhdani.