Greg Delawie vizitoi urën e Mitrovicës, i kënaqur me punimet

Ambasadori i ShBA-së në Prishtinë Greg Delawie dje ka vizituar urën kryesore mbi Ibër në Mitrovicë në të cilën po vazhdojnë punimet për rivitalizim.

Për këtë vizitë, Ambasadori ka njoftuar në llogarinë e vet të Twiterit dhe është shprehur i kënaqur me rinovimin e kësaj ure dhe lëvizjen e lirë për këmbësorë.

“Më vjen mirë që po e shoh urën e rinovuar të Mitrovicës dhe të hapur për këmbësorë. Rezultat pozitiv i dialogut BE”, ka shkruar Delawie në llogarinë e tij në Twitter.