Kryeministri, Ramush Haradinaj është deklaruar rreth procesit të votimit në komunën e Istogut.

Haradinaj ka theksuar se zgjedhjet në Istog, janë një hap përpara për të ardhmen e secilit qytetar të kësaj komune.

Ai bëri thirrje në drejtim të qytetarëve të kësaj komune, të shfrytëzojnë të drejtën e votës për hir të së nesërmes së tij dhe të gjithë komunës.

Postimi i plotë i Haradinajt:

Zgjedhjet në Istog, sot, janë një hap përpara për të ardhmen e secilit qytetar të komunës.

Vota është garanci për të nesërmen dhe prandaj, pjesëmarrja sa më e madhe në votime i jep forcë zhvillimit të qytetit dhe legjimitetit të zgjedhjeve.

Istogu përmbyllë ciklin e votimeve të zgjedhjeve komunale në Kosovë dhe prandaj, i bëj thirrje secilit qytetar të komunës, me të drejtë vote, ta shfrytëzojë atë për hir të së nesërmes së tij dhe të gjithë komunës.