Sekretari amerikan i Mbrojtjes, Pete Hegseth, ka konfirmuar se do të shoqërojë Presidentin e ShBA-së, Donald Trump, në udhëtimin e tij të ardhshëm në Kinë, i cili vjen mes pasigurisë mbi armëpushimin me Iranin.

I pyetur për statusin e shitjeve të armëve në Tajvan, Hegseth u përgjigj: “Presidenti do të udhëtojë së shpejti dhe unë do të jem me të, dhe ai do të marrë të gjitha vendimet që lidhen me këtë.”

Trump pritet të udhëtojë nga Uashingtoni në Pekin sot.

Ambasadori i Iranit në Kinë ka konfirmuar se “Kina mund të jetë një forcë e rëndësishme në uljen e tensioneve” midis SHBA-së dhe Iranit.