Hoxhaj: Sot kujtojmë ata që deri në frymën e fundit u angazhuan për ecjen përpara të shqiptarëve

Zëvendëskryeministri i Kosovës, Enver Hoxhaj, ka uruar me rastin e Festës së Flamurit.

“Në këtë ditë të rëndësishme për kombin shqiptar kujtojmë të gjithë ata që deri në frymën e fundit u angazhuan për ecjen përpara të shqiptarëve”, ka thënë Hoxhaj në Twitter.

“Në të njëjtën kohë reflektojmë për sfidat dhe të ardhmen e përbashkët, e cila është në Bashkimin Evropian”.