Ushtria izraelite ka njoftuar se ka vrarë një komandant të lartë të Hezbollahut, një ditë pas sulmeve vdekjeprurëse në jug të Libanit.

Sipas ushtrisë izraelite, Abu Hassan Alaa ishte i përfshirë në planifikimin dhe kryerjen e disa sulmeve ndaj ushtarëve izraelitë, përfshirë përdorimin e dronëve me eksplozivë.

Një valë sulmesh izraelite të shtunën në jug të Libanit la të vrarë të paktën 11 persona, përfshirë gra dhe fëmijë, sipas Ministrisë libaneze të Shëndetësisë, shkruan CNN.

Izraeli ka akuzuar Hezbollahun për shkelje të armëpushimit, ndërsa ushtria izraelite tha se sulmet e saj ishin përgjigje ndaj një sulmi të Hezbollahut, në të cilin u plagosën rëndë tre ushtarë izraelitë.