Ish-kryetari i Kuvendit të Kosovës, Jakup Krasniqi, aktualisht kryetar i Këshillit kombëtar të Nismës për Kosovën, ka shkruar të martën lidhur me “Dosjen e Shefave XXII”. Ai ka thënë se as njerëzit me fytyra e as njerëzit pa fytyra asnjëherë dhe në asnjë kohë nuk kanë mundur që ta shantazh-ojnë.

Lexoni të plotë postimin e tij në Facebook:

“Publikimi i Dosjes së Shefave XXII, në të cilën përmendet emri im më obligon të sqaroj opinionin publik me sa vijon:

– Biseda private e Adem Grabovcit dhe Naser Shalës ku përmendet emri im nxjerr në shesh jo-seriozitetin e këtyre personave dhe talljet me të cilat kënaqen njerëzit e nivelit të tyre.

– Edhe pse shihet qartë që shantazhet ndaj meje janë të thëna në një kontekst talljeje, më mbetet të theksoj një gjë që e dinë fare mirë Adem Grabovci, dhe sidomos eprorët e tij: As njerëzit me fytyra e as njerëzit pa fytyra asnjëherë dhe në asnjë kohë nuk kanë mundur të më shantazh-ojnë.

Mjerë për ata që kënaqen duke parë ëndrra zgjuar dhe duke i marrë ëndrrat e veta për realitet”.