Themeluesja e Fondit për të Drejtën Humanitare, Natasha Kandiq, ka bërë të ditur se ka dorëzuar padi ndaj kryetarit të Beogradit, Aleksandër Sapiq.

Sipas saj, ai e ka etiketuar atë si ‘person që akuzon popullin serb si gjenocidal’.

“Unë ngrita një padi kundër kryetarit të Beogradit për pretendime të pavërteta se Natasha Kandiq është person që akuzon popullin serb për gjenocid në të gjitha bazat dhe e cila insiston që Serbia të shpallet komb gjenocidal. Kjo është mënyra e duhur për t’i bërë politikanët përgjegjës për fjalët e tyre publike”, ka shkruar ajo në Twitter.