KGJK publikon listën përfundimtare të 21 kandidatëve të zgjedhur për gjyqtarë të rinj

Komisioni për rekrutimin e gjyqtarëve i Këshillit Gjyqësor të Kosovës (KGJK) ka publikuar listën e 21 kandidatëve të cilët kanë kaluar provimin për gjyqtarë të rinj.

Nga 21 kandidat janë përzgjedhur 13 kandidate femra dhe 8 kandidatë meshkuj.

Lista është si në vijim:

1. Adolin Alijaj
2. Amar Hoxha
3. Fiton Haklaj
4. Bujar Xhosha
5. Floridin Osmanaj
6. Hyra Duraj
7. Majlinda Xhema-Avdiu
8. Besart Prishtina
9. Nazif Fetahu
10. Rona Reshtani-Myfti
11. Gentiana Krasniqi
12. Fitore Hasani-Ismajli
13. Nazmie Maxharri-Paca
14. Bionda Rexhepi
15. Fjolla Osmani-Elezaj
16. Besarta Sejdiu
17. Blenda Gashi
18. Olumbie Haliti
19. Djellza Lukaj
20. Fatjona Bekteshi-Barku
21. Gramos Zekaj

Kandidatët e pakënaqur me rezultat kanë të drejtë ankesë në afat prej 3 ditësh.

Ndryshe, Instituti i Kosovës për Drejtësi/Betimi për Drejtësi ka monitoruar në tërësi të gjithë procesin e intervistave me gojë që janë zhvilluar nga data 13 janar 2025 që kan zgjatur deri me 10 shkurt 2025.

Intervistës i janë nënshtruar në total 65 kandidat, ndërkaq 3 prej tyre janë tërhequr nga gara

Intervistat janë zhvilluar para Komisionit me këtë përbërje: Albert Zogaj-kryetar i Komisionit, dhe anëtarët, Bekim Veliqi, Valon Kurtaj, Arjeta Sadiku dhe Ahmet Imami.

Ndryshe, “Instituti i Kosovës për Drejtësi/Betimi për Drejtësi” më 15 nëntor 2024, ka raportuar për 67 kandidatë që kishin kaluar me sukses testin me shkrim për 21 pozita për gjyqtarë.

Gjithashtu “Instituti i Kosovës për Drejtësi/Betimi për Drejtësi” ka monitoruar procesin me shkrim në fushën penale më 9 nëntor, dhe atë civile më 10 nëntor 2024.