Koleksionisti i 100 artefakteve për Skënderbeun e historinë shqiptare

Prishtinë | 28 Jan 2018 | 11:37 | Nga

Eksplorimi i së kaluarës e ka intriguar çdoherë Ilir Xheladinin, i cili tashmë veçse njihet si një prej koleksionistëve më të përkushtuar të artefakteve që lidhen me historinë shqiptare.

Pikë të dobët e ka heroin kombëtar Gjergj Kastriotin-Skënderbeun, për të cilin ka hulumtuar nëpër arkiva të institucioneve të ndryshme në gjithë botën. Në një bisedë për “Kohën Ditore”, Xheladini i cili jeton në Zvicër rrëfen sesi ka zënë fill koleksioni i tij që tashmë numëron mbi 100 artefakte të ndryshme.

Po aq të ndryshme sa edhe vendet ku i ka gjetur, datat e rrëfimet që bartin më vete. Më 17 janar, ai u kthye në Prishtinë për ta realizuar një ekspozitë që iu dedikua përvjetorit të 550-të të vdekjes së Skënderbeut. Me këtë udhë, e dha edhe një lajm të rëndësishëm. Koleksionuesi e ka ndërmend që ta themelojë një muze, në të cilin do të ruhet kjo pjesë e rëndësishme e historisë shqiptare

Fillimi me “Atlasin” e 1873-s

“Zanafilla e koleksionit është qëkur isha student, si nevojë e njohjes së historisë sonë e sidomos afirmimit të saj. E para gjë që kam blerë është një ‘Atlas’ që daton nga viti 1873, aty flet për ilirët, për mbretin Gent, harta të ndryshme ku përshkruhen trojet ilire”, ka rrëfyer Xheladini.

Të ngjashme