Afër një ore më parë në lagjen Dardania në Prishtinë ka ndodhur një grabitje e armatosur në market.

Policia ka arrit që të arrestojë një të dyshuar që është kapur në flagrancë, i lindur më 1999, njofton Klan Kosova.

Zëdhënësi i Policisë së Kosovës, Daut Hoxha ka thënë se dyshohet që në këtë rast kanë marrë pjesë edhe tre persona të tjerë.

“Policia është në proces të kryerjes së hetimeve, për identifikimin dhe arrestimin e tyre”, ka thënë Hoxha përmes telefonit për Klan Kosova.

“ Të dyshuarit pasi kanë vërejtur që kanë rënë në gjurmë nga Policia gjatë ikjes kanë hedhur çantën dhe arkën e grabitur, përderisa zyrtarët kanë arritur që njërin nga të dyshuarit ta kapin në flagrancë”, ka shtuar ai.