Në kuadër të programit IPA vërshimet (IPA Flood) të Mekanizmit Evropian të Mbrojtjes Civile, ekipi kombëtar i kërkim-shpëtimit në ujerat sipërfaqësor, sot është nisur për të marrë pjesë në një ushtrim fushor ndërkombëtar. Ushtrimi do të zhvillohet nga 17 deri më 21 tetor 2016 në Zagreb, në Republikën e Kroacisë.

Ekipi kombëtar i Kosovës përbëhet nga 11 pjesëtarë të trajnuar dhe të pajisur me pajisje moderne për kërkim shpëtim në ujëra sipërfaqësor, pajisje këto të dhuruara nga IPA flood (Ipa vërshimet).

Në nisjen e ekipit mori pjesë edhe zëvendësministri i Punëve të Brendshme, z. Valdet Hoxha, i cili duke u uruar rrugë të mbarë dhe të suksesshme në tajmin, vlerësoi se me përfshirjen e Republikës së Kosovës në këso aktivitete, dëshmohet edhe një herë ngritja e kapaciteteve të institucioneve të sigurisë dhe me këtë rast ai konfirmoni mbështetjen e MPB-së, në avancimin e më tejmë të Agjencisë së Menaxhimit të Emergjencave.

Ndërsa kryeshefi ekzekutiv i Agjencisë së Menaxhimit të Emergjencave, z. Fadil Kodra, vlerësoi pjesëmarrjen e ekipit Kosovar, duke dëshmuar edhe një herë përpjekjet që po bëhen në mënyrë që edhe ekipet emergjente të Kosovës të trajtohet njëjtë si ekipet tjera evropiane.

Në këtë aktivitet pritet të marrin pjesë rreth treqind persona, duke përfshirë profesionistët e mbrojtjes civile dhe autoriteteve përkatëse, organizohet nën kujdesin e Drejtorisë Kombëtare të Mbrojtjes dhe Shpëtimit (PKKZH) të Autoritetit për Menaxhimin e Fatkeqësive të Kroacisë.

IPA FLOODS-CRO 2016 do të testojë funksionalitetin dhe ndërveprimin shumëkombësh të Moduleve (ekipeve) të Mbrojtjes Civile Mbrojtjes, të llojit të Shpëtimit në vërshime, dhe përdorimin e barkave. Ekipet kombëtare nga Shqipëria, Bosnje-Hercegovina, Kroacia, Kosova, Maqedonia, Mali i Zi, Serbia dhe Turqia, që do të jenë të përfshira në ushtrimin e simuluar dhe do të mbështeten prej ekipeve teknike nga Republika e Italisë nga Republika Çeke.