Çështja e liberalizimit të vizave për Kosovën, ka rëndësinë e saj por nuk sjellë zhvillim më të mirë ekonomik e po ashtu as edukim më të mirë në vend.

Kështu ka thënë Shefja e Zyrës së Bashkimit Europian në Kosovë, Nataliya Apostolova në Info Magazine të Klan Kosovës, derisa shtoi se vendi nuk duhet të ketë përqëndrim të vetëm çështjen e liberalizimit të vizave.

”Tashmë kemi sqaruar se janë disa kushte që duhet përmbushur për liberalizimin e vizave”.

”Kjo është çështje e rëndësishme për Kosovën e sidomos për të rinjtë. Këta të rinj duhet të jenë në gjendje të udhëtojnë e të përfitojnë nga çdo gjë që ofron Europa dhe Bota”.

”Liberalizimi i vizave nuk do të sjellë zhvillim më të mirë ekonomik më të mirë në vend, e po ashtu as arsimim e edukim më të mirë”.

”Jemi duke propozuar qeverisë tuaj një reformë nga perspektiva afatmesme apo afat gjatë, ku do të ndryshohet koncepti i vet arsimit”.

”Mos të përqendroheni vetëm në liberalizimin e vizave”.

”BE-ja është duke shpërndarë përqindjen më të madhe të asistencës së ndihmës nga e tërë bota në Kosovë”.

”Nuk do të komentoja për politikanët e këtij vendi. Por them se ju keni një rini të jashtëzakonshme. Ideja me të cilën sot ata dolën ishte shumë inspiruese kur mbajtëm një konferencë gjatë ditës”.