Komisioni Qendror i Zgjedhjeve (KQZ) mbajti mbledhjen e radhës ku pikë e rendit të ditës ishte ndarja e fondeve për mbështetjen e subjekteve politike për vitin 2018.

Shuma e mjeteve që do t’iu ndahet subjekteve politike është 4.2 milionë euro, raporton Ekonomia Online.

Ndarja buxhetore prej 4.2 milionë euro për subjektet politike do të bëhet në bazë të ulësëve që posedojnë partitë politike në Kuvendin e Kosovës.

Sipas kësaj përllogaritje më së shumti do të marrë Lëvizja Vetëvendosje pasi që ka shumicën parlamentare me 32 deputetë, pastaj LDK-ja me 23 deputetë, PDK-ja me 23 deputetë, AAK-ja me 10 deputetët si dhe Nisma me 6 deputetë.