Deputetja e Lidhjes Demokratike të Kosovës, Rrezarta Krasniqi e ka quajtur vitin 2023 si të dështuar në politikën e jashtme. Për këtë, fajtor e ka bërë Qeverinë e udhëhequr nga Albin Kurti.

Sipas saj, edhe në vitin që po lëmë pas u bënë shumë hapa pas, teksa ka listuar disa dështime që Kosova i mori si rezultat i keqqeverisjes së Albin Kurtit.

Postimi i plotë i saj.

Edhe në vitin që po lëmë pas u bënë shumë hapa pas. Dështimi në politikë të jashtme dhe në procesin integrues është vetë dështimi i qasjes së politikës së brendshme. Është një rezultat i keq që nuk e duam asnjëherë. Është përgjegjësi e plotë e pushtetit aktual.

Disa nga rezultatet që Kosova nuk i meriton, mirëpo qeverisja aktuale ia ngarkon fatkeqësisht:

Rezultat i keq: asnjë njohje e re për Kosovën tonë.

Rezultat i keq: asnjë anëtarësim në organizatat ndërkombëtare.

Rezultat i keq: sanksione për vendin tonë.

Rezultat i keq: 295 milion euro te bllokuara nga BE.

Rezultat i keq: përjashtimi i Kosovës nga “Defender Europe ‘23”.

Rezultat i keq: nga ambasador në tregtar me plot dyshime për keqpërdorim, dhe atë për energji elektrike me kompani serbe.

Rezultat i keq: rezervat shtetërore sigurohen jashtë vendit nga personat pa përgjegjësi shtetërore e me shumë dyshime për keqpërdorim.

Rezultat i keq: 7500 në muaj për këshilltar pa asnjë rezultat.

E shumë të tjera, fatkeqësisht!