Kryeministri australian Anthony Albanese u fishkëllye nga një turmë e zemëruar e mbledhur në plazhin e famshëm Bondi të dielën për të nderuar viktimat e një sulmi me armë një javë më parë që synonte një aktivitet bregdetar të festivalit hebre të Hanukkah.

Kombi shënoi të dielën një ditë reflektimi për të nderuar 15 personat e vrarë dhe dhjetëra të plagosurit në sulmin nga dy persona të armatosur, shkruan Reuters.

Me masa të rrepta sigurie dhe flamuj në gjysmë shtizë në ndërtesat qeveritare, një minutë heshtje u mbajt në orën 6:47 pasdite (07:47 GMT), kohën kur filloi sulmi.