Kryetari i Komunës së Vushtrrisë, Ferit Idrizi, në ditëlindjen e 15 të pavarësisë së Kosovës, ka bërë homazhe në Kompleksin Memorial në Prekaz, raporton Ekonomia Online.
Pas homazheve, Idrizi ka thënë se pavarësia e Kosovës është ditë historike për gjithë popullin shqiptar, e jo vetëm Kosovën.
“Sot është një ditë e madhe, një ditë e veçantë historike, jo vetëm për Kosovën, por për gjithë kombin shqiptar”.
Ai, tutje ka çmuar kontributin e familjes Jashari dhe komandantit legjendar Adem Jashari.
“Jemi këtu pranë varrit të Komandantit legjendar Adem Jashari, pranë familjes Jashari, për të nderuar sakrificën që bëri kjo familje bashkë me dëshmorët e tjerë të kombit për lirinë dhe pavarësinë e Kosovës”.
“Lavdi jetës dhe veprës së komandantit legjendar Adem Jashari, lavdi të gjithë dëshmorëve të rënë për liri”.