Aktorja e njohur, Arjola Demiri, që nga data 5 tetor e vitit të kaluar e deri të premten ka qenë pjesë e shtëpisë së famshme të “Big Brother Albania VIP”.

Arjola u eliminua në gjysmë-finale, por që duket të ketë dalë më e fituara nga ky format, pasi aktorja mori një ndër surprizat më të bukura, produksioni i dhuroi një apartament.

Në momentin kur moderatorja, Arbana Osmani dha lajmin tregoi se bëhej fjalë për një apartament të madh për tre fëmijët e saj.

Së fundmi është mësuar edhe çmimi i apartamentit, pra emisioni “n’Zoom” ka zbuluar nga burime konfidenciale se shtëpia e Arjolës ka kushtuar 200 mijë euro. Pra, dyfishi i çmimit të madh të “Big Brother VIP”.

Kujtojmë që edhe disa prej banorëve të tjerë kanë marrë dhurata nga produksioni si udhëtime, emisione e gjëra të ndryshme.