Zëvendëskryeministri i Kosovës, Besnik Bislimi është takuar me emisarin e Bashkimit Evropian për dialogun Kosovë – Serbi, Miroslav Lajçak.

Lajçak, i cili ka shkruar në platformën X, ka treguar se në takim “u pajtuan për hapat e radhës”.

Në këtë takim është diskutuar që siç thotë Lajçak nevojën për zbatimin e plotë të Marrëveshjes për Rrugën e Normalizimit.

Emisari evropian thotë se kjo duhet të bëhet pa vonesa dhe parakushte.

‘”Sapo u takova me zëvendëskryeministrin e parë Besnik Bislimi në vijim të takimit të fundit me liderët evropianë në Bruksel dhe nevojën për zbatimin e plotë të Marrëveshjes për Rrugën e Normalizimit pa vonesa dhe parakushte. Ne ramë dakord edhe për hapat e ardhshëm”, ka shkruar Lajçak.

I just met with First Deputy Prime Minister @BislimiBesnik to follow up on the recent meeting with European leaders in Brussels and the need for full implementation of the Agreement on the Path to Normalisation without delay or preconditions. We also agreed on next steps. pic.twitter.com/Jc151JUvRS

— Miroslav Lajčák (@MiroslavLajcak) November 6, 2023

Për takimin ka njoftuar shkurtimisht edhe Zyra e Kryeministrit të Kosovës.

Në njoftim thuhet se zëvendëskryeministri i parë për Integrim Evropian, Zhvillim dhe Dialog i Republikës së Kosovës, Besnik Bislimi, pati një darkë pune me Përfaqësuesin Special të BE-së për Dialogun Kosovë-Serbi, Miroslav Lajçak.

“Në këtë takim u diskutua në lidhje me të gjitha aspektet e ndërlidhura me zbatimin e plotë të Marrëveshjes Bazike të Brukselit dhe Aneksit Implementues të Ohrit”.

Republika e Kosovës, thuhet në vazhdim të komunikatës, është e përkushtuar për normalizim të plotë të marrëdhënieve me Serbinë dhe për njohje reciproke.