Lansohet fushata vetëdijësuese kundër dhunës në familje, qytetarët njoftohen për të drejtat e tyre

Prishtinë | 06 Sht 2022 | 10:41 | Nga Ekonomia Online Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Me qëllim të vetëdijësimit dhe ndërgjegjësimit të popullatës, të martën është lansuar fushata kundër dhunës në familje, raporton Ekonomia Online.

Kjo fushatë u organizuar nga Instituti “Clard” dhe Instituti i Kosovës për Drejtësi (IKD), e cila është mbajtur në krejt komunat e Kosovës.

Anton Nrecaj nga Instituti “Clard”, tha se në të gjitha komunat kanë bërë shpërndarjen e broshurave informuese, por edhe do të mbajnë ligjërata në shkolla.

“Ky projekt ka pasur dy komponentë kryesore, e para është kundër dhunës në familje dhe ngacmimeve seksuale dhe komponentin e dytë është ligjërata nëpër shkolla”.

“Në kuadër të kësaj komponentë kemi shkuar në të gjitha komunat e Kosovës, duke shpërndarë broshura e duke i informuar qytetarët”, tha Nrecaj.

Ehat Miftaraj nga IKD, tha se qytetarët do të njoftohen lidhur me të drejtat e tyre që u garanton Kushtetuta, raporton EO.

“Qëllimi i kampanjës ka qenë kryesisht informimi i qytetarëve lidhur me të drejtat e tyre që u garanton Kushtetuta në lidhur me dhunën në familje”, tha Miftaraj.

Lexo më shumë:

Të ngjashme