Shefi i Grupit Parlamentar AAK-së, Pal Lekaj ka dhënë lajmin për ndërrimin e pozicionit të AAK-së në lidhje me takimet me parti tjera.

Ai ka thënë se nuk do të marrin më pjesë në takimet që organizohen nga Naim Rashiti i shoqërisë civile, ku flitet për një marrëveshje për demarkacion dhe daljen nga ky bllokim politik, transmeton Koha.net.

Lekaj më pas ka thënë se kanë qenë politikanët kosovarë që kanë vënë indirekt kusht për viza demarkacionin.

“Kur europianët i kanë pyetur se a ka problem kjo çështje të kalojë në Kuvend, këta i kanë thënë që nuk ka problem dhe është futur si kusht”, ka shtuar Lekaj. (KTV)