Zëvendëskryeministri Fatmir Limaj ka uruar të gjithë besimtarët e krishterë që sot festojnë Pashkët, duke thënë se toleranca ndërfetare, paqja dhe solidariteti janë vlera të cilat ndër vite janë kultivuar nga të gjithë qytetarët e Kosovës, pa dallim feje dhe etnie.

Limaj ka shkruar në Facebook se në këtë ditë të bekuar për komunitetin e krishterë uroj që në familjet tuaja të ketë sa më shumë lumturi, begati e harmoni.

“Urimet më të përzemërta për të gjithë besimtarët e krishterë që sot festojnë Pashkët. Në këtë ditë të bekuar për komunitetin e krishterë uroj që në familjet tuaja të ketë sa më shumë lumturi, begati e harmoni.
Toleranca ndërfetare, paqja dhe solidariteti janë vlera të cilat ndër vite janë kultivuar nga të gjithë qytetarët e Kosovës, pa dallim feje dhe etnie.
Gëzuar e për shumë mot Pashkët”, ka shkruar Limaj.