Ministri i Zhvillimit Ekonomik (MZhE), Valdrin Lluka, ka marrë vendim për hapjen e deponive të mbeturinave për deponim pa pagesë gjatë 3 muajve të kampanjes “Ta Pastrojmë Kosovën”, transmeton Ekonomia Online.

“Për një Kosovë më të pastër”, ka shkruar Lluka në Facebook, derisa ka publikuar edhe vendimin e MZhE-së.

Sipas këtij vendimi, Kompania për Menaxhimin e Deponive të Kosovës gjatë fazës së zhvillimit të projektit do të bëjë evidentimin, peshimin dhe kontrollin e mbeturinave në hyrje të deponive për të verifikuar llojin dhe sasinë e mbeturinave.