Kandidati për kryeministër nga Lidhja Demokratike e Kosovës, Lumir Abdixhiku ka thënë se në Klinë ishte një tubim i jashtëzakonshëm.

Përmes, një postimi në profilin e tij në rrjetin social Facebook, Abdixhiku ka shkruar se në këtë tubim kanë folur për mungesën e zhvillimit, për rritjen e kostos së jetesës, për të rinjtë që po largohen, për familjet që po përballen çdo ditë me pasiguri, e për bizneset që kanë mbetur pa mbështetje.

Postimi i tij i plotë:

Klinë!✌️🔥

Një tubim i jashtëzakonshëm. Një energji që na kishte munguar. Një besim që po rritet çdo ditë.

Folëm për katër vitet e humbura. Për mungesën e zhvillimit, për rritjen e kostos së jetesës, për të rinjtë që po largohen, për familjet që po përballen çdo ditë me pasiguri, e për bizneset që kanë mbetur pa mbështetje.

Folëm edhe për rrugën tonë. Për zotimet tona konkrete: për rritjen e pagave, mbështetjen për familjet, punësimin e garantuar për të rinjtë, investimet e mëdha, energjinë, arsimin, shëndetësinë dhe një ekonomi që krijon mundësi për secilin.

Në Klinë, prezantuam kandidatët tanë: Astrit Desku me numër 49 dhe Kushtrim Krasniqi me numër 97.