Ekspertët e kompanisë “Mabetex” mbajnë ligjëratë tematike për studentët e UBT-së
Përgjegjësi i marketingut të kompanisë “Mabetex – Konstruksione Metalike”, në Ferizaj, Gëzim Mustafa, i shoqëruar edhe nga drejtori i kësaj kompanie, Feti Selmani, mbajti ligjëratë tematike për studentët e nivelit master, të Fakultetit të Inxhinierisë së Ndërtimit në UBT.
Gjatë kësaj ligjërate, u trajtua tema mbi menaxhimin dhe produktet, me ç’rast u shpjeguan format e menaxhimit të kompanive dhe marketingut të produkteve.
Mustafa tha se Inxhinieria e ndërtimit ka nevojë të përhershme për marketing cilësor, duke e njohur konkurrencën në këtë fushë.
“Menaxhimi dhe marketingu janë elemente të rëndësishme që ndikojnë në mënyrën e shfaqjes së një kompanie apo produkti deri tek konsumatorët”, theksoi ai, teksa i informoi studentët mbi risitë e fundit në fushat publicitare, duke dhënë edhe disa shembuj të suksesshëm të kompanive kosovare, në tregun e brendshëm, por edhe atë jashtë Kosovës.
Video
Video
VideoVideo
Video
