Man City “shokohet” nga Crystal Palace, shkëputet Liverpool

Prishtinë | 22 Dhj 2018 | 18:01 | Nga Ekonomia Online

Crystal Palace ka “shokuar” Manchester Cityn duke e mposhtur në “Etihad Stadium”.

Lojtarët e Pep Guardiola nuk ishin në elementin e tyre, duke pësuar me rezultatin 2:3.

Vendasit e nisën mirë duke kaluar në epërsi me anë të Ilkay Gundoga qysh në minutën e 27’, por gjithçka u kthye mbrapsht, shkruan lajmi.net.

Në minutën e 33’ ishte Jeffrey Schlupp që barazoi shifrat në 1:1 duke befasuar vendasit.

Vetëm dy minuta më vonë, Andros Towsend ngriu tifozët në “Etihad” duke shënuar për 1:2 dhe për të vendosur rezultatin e pjesës së parë.

Në pjesën e dytë ishte edhe njëherë Crystal Palace që me anë të Luka Milivojevic shënoi për 1:3.

City realizoi edhe njëherë me anë të Kevin De Bruyne në minutën e 85′ për 2:3 por nuk mjaftoi.

Kësisoj, City tashmë mbetet me katër pikë prapa liderëve të Liverpool.

Fjalë Kryesore:

Të ngjashme