Dogana e Kosovës ka shënuar rritje të të hyrave gjatë shtatë muajve të parë të vitit 2026, duke arkëtuar mbi 1.15 miliardë euro.

Sipas të dhënave të doganës, gjatë periudhës janar–korrik 2026, të hyrat bruto kanë arritur në 1,153,076,683 euro, krahasuar me 1,085,940,460 euro në të njëjtën periudhë të vitit 2025.

Kjo paraqet një rritje prej 6.18 për qind, apo rreth 67.14 milionë euro më shumë se në periudhën e njëjtë të vitit të kaluar.