Presidenti shqiptar, Ilir Meta ndodhet në Bruksel ku do të ketë një takim me sekretarin e Përgjithshëm të Aleancës së Atlantikut të Veriut, Jens Stoltenberg.

Në njoftimin për mediat nga ana e Presidencës shqiptare thuhet se Meta ‘do të pritet sot në një takim nga Sekretari i Përgjithshëm i NATO-s, Jens Stoltenberg’.

Po kështu në orën 17:00 kreu i shtetit shqiptar, së bashku me Stoltenberg do të zhvillojnë një konferencë të përbashkët për shtyp në selinë e NATO-s.