Ministria hap tenderin 32 milionësh për rrugën Kijevë-Zahaq

Prishtinë | 13 Mar 2023 | 16:05 | Nga Ekonomia Online

Ministria e Infrastrukturës ka hapur procedurat tenderuese për ndërtimin e rrugës nacionale Kijevë-Zahaq.

Lajmin e ka bërë të ditur ministri i Infrastrukturës, Liburn Aliu, përmes një njoftimi në rrjetet sociale.

Aliu tha se një buxhet prej 32 milionë eurosh është planifikuar nga Ministria e Infrastrukturës për përfundimin e projektit.

“Kjo rrugë do të ndikojë drejtpërdrejt në jetën e mijëra banorëve dhe do të shërbejë si mundësi për zhvillimin ekonomik të të gjithë zonës së rrafshit të Dukagjinit”, u shpreh ministri Aliu.

Të ngjashme