Ministrja e Drejtësisë, Albulena Haxhiu, së bashku me drejtorin e Përgjithshëm të Shërbimit Korrektues të Kosovës, Ismail Dibrani, dhe zyrtarë të tjerë, kanë bërë homazhe në kompleksin memorial “Adem Jashari” në Prekaz.

Pjesë e homazheve ishin dhe zëvendësministri i Drejtësisë, Blerim Sallahu, drejtorët e Institucioneve Korrekutese dhe Oficerët Korrektues.

“Lavdi Kryekomandantit Adem Jashari, lavdi Ushtrisë Çlirimtare të Kosovës dhe të gjithë dëshmorëve të kombit!”, ka shkruar Dibrani, në faqen e tij në Facebook.