Ministrja Nagavci thirrje mësimdhënësve të mos i përgjigjen grevës, lexojeni ligjini

Prishtinë | 31 Gus 2022 | 11:55 | Nga Ekonomia Online Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Ministrja e Arsimit, Shkencës, Teknologjisë dhe Inovacionit, Arbërie Nagavci, u ka kërkuar të mërkurën punëtorëve të arsimit që të mos mbajnë grevë, një ditë para fillimit të vitit të ri shkollor.

Sipas Nagavcit, greva e nisur nga Bashkimi i Sindikatave të Pavarura të Kosovës nuk po mbahet në pothuajse mbi 90 për qind të institucioneve publike, duke u bërë thirrje mësimdhënësve ta konsultojnë legjislacionin në fuqi me grevat dhe të mos bien pre e presioneve.

Ministrja e Arsimit, Nagavci, ka thënë se bazuar në legjislacionin në fuqi mësimdhënësit që janë futur në grevë nuk do të paguhen për periudhën sa nuk punojnë, dhe kjo është bërë e qartë edhe nga ministri i Financave, Hekuran Murati.

Sipas Nagavcit, greva e nisur nga Bashkimi i Sindikatave të Pavarura të Kosovës nuk po mbahet në pothuajse mbi 90 për qind të institucioneve publike, duke u bërë thirrje mësimdhënësve ta konsultojnë legjislacionin në fuqi me grevat dhe të mos bien pre e presioneve.

“Edhe pse kjo grevë u shpall nga BSPK-ja, e njëjta nuk është duke u mbajtur në të gjitha institucionet. Sipas informatave tona, mbi 90 për qind të institucioneve publike nuk po mbahet. Andaj unë kërkoj që të mos ketë grevë as në institucione arsimore. Ju siguroj se gjatë mandatit tim i kemi bërë të gjitha sigurimet e mundshme për punëtorët e arsimit. I kam pranuar në takim sa herë që ka kërkuar SBASHK-u. E njohim organizimin sindikal, por duhet të përmendim se respektimi i ligjit nënkupton atë në tërësi dhe jo pjesërisht”, tha ministrja e Arsimit, në një konferencë shtypi, një ditë para nisjes së procesit mësimor.

“I lus punëtorët e arsimit ta lexojnë ligjin në plotëni. Kemi tejkaluar edhe kërkesat e sindikatave në projektligjin e pagave. Është përmirësuar pozicionimi i stafit në sektor arsimor që është lënë anash nga ligjet e kaluara”.

Ajo kundërshtoi raportimet se po bëhet presion që të dërgohen listat e grevistës. “Nuk është presion. Komunat dhe gjitha institucionet e kanë obligim të raportojnë në Ministri të Financave… MASHTI sigurisht se nëpërmjet inspektorëve ka kërkuar të dhëna, ka kërkuar edhe në të kaluarën. Komunat janë ankuar dje. Do të vazhdojmë me kërkesat tona e do të përcjellim gjendjen me inspektorë edhe sot, nesër e çdo ditë”.

Nagavci shtoi se si ministri duhet ta dijnë se a po punojnë institucionet edukativo-arsimore apo jo. “Ka 4-5 shkolla në Prishtinë që nuk kanë shpallur grevë. Ne si ministri s’kemi kërkuar listat, por është me rëndësi të dimë a punojnë apo jo institucionet edukativo-arsimore”, theksoi ajo.

SBASHK-u ka paralajmëruar se punëtorët e arsimit do të jenë në grevë dhe procesi i vitit shkollor nuk do të fillojë më 1 shtator. Sipas SBASHK-ut, greva do të zgjasë deri në plotësimin e kërkesave të tyre, siç është ndarja e 100 eurove për mësimdhënësit deri në miratimin e Ligjit për paga.

Të ngjashme