Kryetari i Lëvizjes për Bashkim, Valon Murati, në Ditën e Veteranit, ka shkruar se lufta e Ushtrisë Çlirimtare është lëvizja më e lavdishme, që rezultoi me çlirim dhe pavarësi të Kosovës.

Ai u është drejtuar veteranëve të luftës së UÇK-së, duke u thënë se nuk duhet të dëshpërohen nga “fjalët dhe diskursi afatshkurtër politik”.

Murati ditën e sotme ia ka uruar veçanërisht njërit prej komandantëve të UÇK-së, Sali Mustafës, i cili para disa ditësh u dënua me 26 vjet burgim nga Gjykata në Hagë.