Opinonisti Imer Mushkolaj ka reaguar ndaj, siç e ka cilësuar ai, përpjekjeve për të relativizuar terrorin online të profileve të rreme në rrjetet sociale.

Përmes një postimi në Facebook, Mushkolaj ka thënë se çdo tentativë për të arsyetuar ose minimizuar veprimet e profileve false është e turpshme dhe kriminale.

Sipas tij, këto përpjekje janë po aq kriminale sa edhe përmbajtjet shpifëse dhe linçuese që, sipas tij, publikohen nga këto profile ndaj kritikëve të pushtetit dhe të gjithë atyre që refuzojnë, siç është shprehur ai, të ushqehen me propagandën e pushtetit.