Policia në Ferizaj ka arrestuar të dyshuarin B.B me dyshimin e bazuar se i njëjti, me qëllim përfitimi, kishte inskenuar një rast të grabitjes me armë.

“I dyshuari B.B. sot, më 28.08.2018 rreth orës 05:30 minuta kishte njoftuar policinë se në kazinon ku i dyshuari ishte duke punuar kishin hyrë dy persona të armatosur me armë dhe nën kërcënim kishin marrë nga ai kuletën ku në të kishte pasur rreth 490 euro dhe të njejtit janë larguar nga vendi i ngjarjes”, thuhet në njoftimin e Policisë, njofton Klan Kosova.

Sipas Policisë, hetimet rreth këtij rasti kanë rezultuar me deklarimin si dhe pranimin në tërësi të inskenimit të rastit të grabitjes nga i dyshuari i cili ka pranuar se të hollat e deklaruara si të grabitura ia ka dhënë një personi të cilit i kishte patur një borxh.

Me vendim të Prokurorit të Shtetit, të dyshuarit janë dërguar në mbajtje për 48 orë.