Deri në 70 euro një metër dru, shitësit thonë se ka rënë interesimi e po ankohen blerësit

Prishtinë | 03 Nën 2021 | 12:39 | Nga Erdonita Hebibi Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Një metër dru në Prishtinë po shitet deri në 70 euro, raporton Ekonomia Online. Çmimet e larta për kanë bërë që të bije edhe interesimi i qytetarëve për furnizim.

Edhe përkundër kësaj në shumë lagje të kryeqytetit blerësit vazhdojnë të jenë prezentë.

Jakup Halili shitës i drujve, tha se çmimi është tejet i madh dhe blerësit kanë ankesa të mëdha. Sipas tij, krahasuar me vitet e kaluara ka rënë interesimi i blerësve.

“Puna po shkon mirë, po drunjët janë shtrenjtuar shumë, metra po shkon 50, 60 deri në 70 euro. Çka po ndodh nuk po di”.

“Interesimi ka rënë dhe blerësit po ankohen se nuk kanë pare dhe nuk e di as vet çka të bëjmë”, tha ai.

Sipas të dhënave të Agjencisë së Statistikave të Kosovës (ASK) indeksi i harmonizuar i çmimeve të konsumit tregon për rritje të çmimeve për 2.4 për qind në muajin qershor, krahasuar me qershorin e vitit të kaluar.

Ngritje e çmimeve është regjistruar edhe buka dhe drithërat, karburantet dhe lubrifikantë për pajisjet e transportit personal, më pas te duhani dhe produkte tjera.

Sipas ASK-së, rënie e çmimeve vërehet te pajisjet telefonike dhe të ato të telefaksit.

Lexo më shumë:

Të ngjashme