Ish- ministri i Tregtisë, Bajram Hasani ka thënë se shfuqizimi i vendimit për ndërtimin e kyçjeve të Vitisë në autostradën “Arbën Xhaferi” është i padrejtë. Hasani i cili gjatë kohës, sa ishte ministër pati propozuar këtë kyçje ka thënë se shfuqizimin e tij Vitia po diskriminohet. Sipas tij, ky vendim e dëmton ekonominë e kësaj komune.
“Vitia po diskriminohet. Vendimi që Vitia të mos ketë kyçje në Autostradën “Arbën Xhaferi’ është i padrejtë. Pa dashur të komentojë procedurat e tenderimit, sepse nuk kanë qenë çështje e imja, unë personalisht pata kërkuar kyçjen e Vitisë në këtë autostradë. Ky vendim është i dëmshëm për banorët e Vitisë dhe ekonominë e kësaj komune.”, ka shkruar Hasani në Facebook.