Komisioni i Pavarur për Miniera dhe Minerale jep detaje për vdekjen e punëtorit të Trepçës

Prishtinë | 27 Pri 2020 | 14:11 | Nga Ekonomia Online

Një punëtor i Trepçës ne Zveçan ka vdekur të shtunë, aksidentalisht pas shembjes në një galeri të minierës së “Trepçës”-Njësia e Crnacit”

Komisioni i Pavarur për Miniera dhe Minerale ka dhënë detjahe nga ky rast.

“Ju njoftojmë se me datë 25.04.2020 ka ndodhur një aksident me fatalitet-vdekje e një punëtori në minierën e “Trepçës-Njësia e Crnacit”. Aksidenti ka ndodhur në Horizontin e VIII-të, punishtja 11/8-1 në minierën Crnac, dhe nga ky aksident ka humbur jetën punëtori M.M, i datëlindjes 1968. I ndjeri ishte punëtor i nënkontraktuar i ndërmarrjes “RudarInvest””, është thënë në njfotim.

Me rastin e  marrjes së njoftimit nga  stafi i minierës Trepça-Crnac, KPMM respektivisht Kryeinspektori  i minierave Fatmir Gerguri , ka organizuar ekipin e inspektoratit dhe kanë dalë në vend të ngjarjes.
“Po ashtu në vend ngjarje kanë mbërri të gjitha institucionet e nevojshme që janë përgjegjës për hetimin e aksidentit si; Policia e Kosovës-njësia e Hetimeve e cila ka përfaqësuar edhe Prokurorin Hetues, Mjekësia ligjore e punës, Udhëheqës të minierës Crnac ,Udhëheqësi i ndërmarrjes “RudarInvest”. Pas nxjerrjes se viktimës nga vendi i aksidentit, rreth orës 19:15 të datës 25.04.2020 trupi i viktimës është përcjellë për Obduksion ne QKUK ne Prishtinë”, thuhet në njoftim.

Nga KPMM është formuar menjëherë komisioni profesional i cili ka filluar punë qysh atë ditë dhe është lëshuar urdhër për sigurimin e zonës se aksidentit dhe hetimin e detajuar te shkaqeve te aksidentit.

Inspektorati ka ndaluar punën ne Horizontin ne te cilin ka ndodhur aksidenti deri ne përfundimin e hetimeve, ndërsa ndërmarrjes i lejohet puna ne vend punishtet e tjera.

Të ngjashme