Ardit Gashi nga Ferizaj, 19- vjeçar ishte diagnostikuar me sëmundjen e leukemisë akute.

I riu nga Ferizaji në fillim të vitit kishte kërkuar ndihmë nga vullnetmirët që t’i ndihmonin me të holla për të trajtuar sëmundjen e tij jashtë vendit.

Gashit i dolën në ndihmë plot njerëz, në mesin e tyre edhe ish-deputeti e këngëtari, Labinot Tahiri. Ai doli për ditë të tëra në shesh të Ferizajt për t’i mbledhur të gjitha të hollat që nevojiteshin.

E, Arditi sot e ka dhënë lajmin e mirë se tanimë është shëruar nga sëmundja.

“Këto janë të fundit, gjithçka përfundoi. Faliminderit Zot, faliminderit Labinot Tahiri, faliminderit shokë-shoqe”, ka shkruar ai në Instagram.