Në fshatin Grabovc i Poshtëm të Fushë Kosovës, gjatë natës, janë vjedhur pesë gjedhe, në dy raste të ndara.

Në raportin 24 orësh të Policisë thuhet se rasti i parë ka ndodhur rreth orës 06:20, ku ankuesi mashkull ka njoftuar se gjatë natës persona të panjohur me forcë kanë depërtuar në stallën e tij dhe kanë vjedhur katër gjedhe (lopë).

Edhë në rastin tjetër që ka ndodhur në kohë të njëjtë, ankuesi mashkull ka njoftuar se persona të panjohur kanë hyrë me forcë në stallën e tij dhe kanë vjedhur një gjedh (lopë).

Të dyja rastet janë duke u hetuar nga Policia.