Në mungesë të shumë emrave të mëdhenj, ShBA-ja nuk është favorite absolute në Botëror

Prishtinë | 28 Gus 2019 | 08:24 | Nga Ekonomia Online

Shumë yje të NBA-së kanë vendosur të mos luajnë për SHBA-në në Botërorin e basketbollit në Kinë, që nis këtë fundjavë, ndonëse do të formonin një skuadër që nuk do të kishte konkurrencë.

Por, nuk është asgjë e re për amerikanët që po kërkojnë titullin e tretë rresht të botës në ngjarjen e madhe që mbahet nga 31 gushti deri më 15 shtator. Dhe nga përvojat e kaluara, botërori mund edhe të hapë rrugën për yje të rinj të SHBA-së që të shpërthejnë në skenë, transmeton Koha Ditore shkrimin e AFP-së.

LeBron James, Kawhi Leonard, Stephen Curry, James Harden, Anthony Davis, Russell Westbrook dhe Paul George janë në mesin e lojtarëve që kanë vendosur të mos jenë në përfaqësuese. Kevin Durant, Kyle Lowry e Klay Thompson mungojnë shkaku i lëndimeve.

Finalja e Kupës së Botës mbahet vetëm dy javë para se shumica e kampeve stërvitore në NBA të hapen, ndërsa ndeshjet e para të stinorit 2019\20 të NBA-së luhen më 22 tetor.

Shumica e yjeve kanë refuzuar pjesëmarrjen në përfaqësuese në mënyrë që të kursejnë energjitë për një stinor të gjatë dhe mjaft sfidues të NBA-së. Lëvizjet e reja të lojtarëve kanë bërë që liga të jetë më e fortë këtë stinor, me disa skuadra pretendente për titull.

Fjalë Kryesore:

Të ngjashme