Prokuroria Themelore në Ferizaj, Departamenti i Përgjithshëm, ka ngritur aktakuzë ndaj dy personave të pandehur me inicialet  M.S., dhe S.S., nga komuna e Ferizajt,  për shkak të dyshimit se të njëjtit në bashkëkryerje, pas një mosmarrëveshje që kishin me të dëmtuarën R.T., kanë kryer veprën penale “Lëndim i lehtë trupor” nga neni 185 par.1 lidhur me nenin 31 dhe 248 të Kodit Penal të Republikës së Kosovës (KPRK).

Sipas aktakuzës, fillimisht e pandehura M.S., e kap për krahu dhe flokë duke e goditur me duar dhe këmbë të dëmtuarën R.T., ku pastaj edhe i pandehuri  S.S., e godet në pjesë të ndryshme të trupit, me çka nga këto goditje e dëmtuara kishte pësuar lëndime të lehta trupore.

Prokurori i Shtetit me rastin e ngritjes së aktakuzës, i ka propozuar  Gjykatës që të pandehurit të shpallen fajtor dhe të dënohen sipas ligjit për veprën penale e cila iu vihet në barrë.