Kanë nisur punimet në rrugën me gjatësi prej katër kilometrash, që lidhë fshatin Rudë të Komunës së Malishevës, me fshatin Sferkë të Komunës së Klinës.

Ky është një projekt i Ministrisë së Infrastrukturës, ku participojnë edhe komunat e tjera në këtë investim të infrastrukturës rrugore.

Nga afër punimet i ndoqi nënkryetari i Komunës së Malishevës, Hajdin Berisha.

Ai shprehu gatishmërinë që e Komunës që çdo gjë të jetë brenda afatit kohor, të planit dhe dinamikës së paraparë që punimet të përfundojnë me kohë dhe lëvizja e banorëve ta shfrytëzojë për qarkullim të nevojave njerëzore dhe ekonomike këtë rrugë, njofton Komuna e Malishevës.