Një 20 vjeçar kosovar u gjet i vdekur sot në mëngjes në Calcio të Italisë.

Rastin e bëri të ditur një shok i ngushtë i tij, i cili tregoi se 20 vjeçari nga Kosova e hodhën në një lumë.

Sipas mediave italiane, 20 vjeçari, Erion Morina, i cili ka jetuar në qytetin e Bassa për disa vjet, e kaloi mbrëmjen në Peter Pan Caffè, një bar 50 metra larg nga ku u vra.

Sipas mediave italiane, rreth orës 06:00 të mëngjesit, disa kalimtarë vërejtën pikat e gjakut në trotuar dhe më pas kufomën, transmeton rtv.21

Brenda dy orësh u identifikua autori i dyshuar i krimit. Njëzet vjeçari, M. M., u dërgua në komandën e Treviglio për t’u marrë në pyetje.

Sipas shokut të viktimës, 20 vjeçari i vrarë është Erion Morina nga fshati Drenoc i komunës së Malishevës.