Shërbimi Korrektues i Kosovës, njofton opinionin publik se sot  rreth orës 12:00, i burgosuri H.SH ka tentuar të arratiset nga Qendra Korrektuese e Smrekonicës.

Gjatë tentimit, i burgosuri kishte kaluar edhe perimetrin e sigurisë së jashtme, mirëpo intervenimi i stafit ka qenë i menjëhershëm, me ç‘rast ka arritur ta parandalojë arratisjen.

I dënuari është veçuar deri në dëgjimin disiplinor, ndërsa është bërë komplet raporti i ngjarjes dhe incidentit.

H. SH , është i dënuar me një vit e gjashtë muaj për veprën penale; ndihmë në grabitje.

Shërbimi Korrektues i Kosovës përmes mekanizmave të sigurisë do të vazhdoj të mbetet i përkushtuar çdoherë  në kryerjen e detyrave dhe nuk do të lejojë në asnjë mënyrë cenimin e institucioneve korrektuese me veprime të tilla.