Për shkak të kërkesave të shumta Policia dhe Gjykatat nuk po mund t’i pajisin me certifikata kandidatet për ushtare të FSK-së, prandaj ky institucion ka sqaruar se këto dy dokumente duhet t’i sjellën gjatë fazës së testimeve.

Njoftimi i plotë:

Për shkak të kërkesave të shumta për pajisje me certifikata nga Gjykata dhe Policia e Kosovës nga kandidatët për rekrut në FSK, jemi njoftuar se Gjykatat dhe Policia nuk mund t’iu përgjigjen fluksit të madh të kërkesave për pajisje me këto dokumente në afatin e paraparë të konkurrimit.

Andaj i njoftojmë të gjithë kandidatët që dëshirojnë të aplikojnë se aplikacioni i tyre do të pranohet edhe nëse nuk i kanë certifikatën nga Gjykata dhe Policia e Kosovës.

Kandidatët këto dy dokumente duhet t’i sjellin gjatë fazës së testimeve.