Një ngjarje e rëndë ka ndodhur në Durrës. Një sherr me nuses dhe vjehrrës ka kaluar në tentativë vrasje pasi nusja vetëm 19 vjeçare ka tentuar ta helmojë vjehrrën e saj. Policia bën me dije se ka vënë në pranga nusen 19-vjeçare, Elda Tanishi banuese në Likesh, Shijak.

Njoftimi i plotë i Policisë Shqiptare:

Specialistët e Sektorit për Hetimin e Krimeve të Rënda në Drejtorinë Vendore të Policisë Durrës arrestuan në flagrancë shtetasen:

Elda Tanushi 19 vjeçe, banuese në Likesh, Shijak. Më datë 01.07.2017, ka bërë kallzim shtetësia A. S. 42 vjeçe, banuese në Likesh, Shijak, pasi më datë 30.06.2017, në banesën e saj, në Likesh, Shijak, nusja e djalit ka tentuar ta vrasë (helmojë) duke i hedhur në një gotë me kos një sasi helmi që përdoret për insektet (Akravil).

Shtetësia e mësipërme ka marrë mjekim në spitalin e Shijakut pa probleme për jetën. Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale” Vrasja me paramendim” e mbetur në tentativë parashikuar në nenin 78, 22 të Kodit Penal./albeu