Shumë shpejt pritet ardhja e gjeneratës së re të modelit Corsa të Opelit, e para qëkurse kompania gjermane u bë pjesë e grupit francez PSA dhe ky model do të jetë shumë i rëndësishëm për këtë markë.

Në këtë mënyrë, Corsa e re do të përjetojë ndryshime drastike, shkruan Autocar.

Corsa e re do të përdorë platformën e PSA-së CMP (Platforma e Përbashkët Modulare), në të cilën bazohet Peugeot 208 i ri, , transmeton ksp. Po ashtu, Corsa e re do të vijë me sistemin e tërheqjes vetëm me rrotat e përparme si dhe do të ketë një gamë të gjerë motorësh.

Spekulohet se Corsa e re do të jetë e para me motor të ri 1.2-litër Turbo me tre cilindra, i cili klientëve do t’ju ofrojë kombinimin perfekt të performancës dhe ekonomisë.

Menjëherë pas premierës së hatchback vitin e ardhshëm, një version elektrik do të shfaqet nën shenjën eCorsa. Ky model do të lansohet menjëherë pasi Peugeot 208 elektrik të gjendet në treg.

Duke iu falënderuar pronësisë së PSA-s, priten ndryshime të mëdha në dizajnin e Corsas, i cili pritet të jetë modeli i parë i familjes Opel për të adoptuar linjën e re styling të vendosur në konceptin GT X Experimental.

Si e tillë, vetura do të marrë një maskë të re “Vizor” dhe dritat e ridizajnuara. PSA do të heqë Corsan me tre dyer për shkak të kërkesës së ulët dhe do të bëjë vetëm një model me pesë dyer.