Ish-ministri i Shëndetësisë dr Ferid Agani ka apeluar te qytetarët që të jenë të kujdesshëm dhe të vemendshëm për të kufizuar mundësitë e përhapjes së virusit, derisa fuqitë imunobiologjike të çdonjërit prej nesh në përmasa botërore përfundimisht ta shkatërrojnë atë.

“Ju lutem që të mos frikësoheni, frikën e paarësyeshme zëvendësoni me dashurinë për më të dashurit, bashkëkombasit dhe gjithë njerëzimin”, apelon Agani.

Postimi i plotë:

Jemi ballafaquar me sfidën më komplekse të kohës bashkëkohore, betejën me armikun e padukshëm virusin Covid-19.

Kjo gjendje sado komplekse që është do të përfundojë me sukses të plotë të njerëzimit me ndihmën e Zotit të Madhërishëm.

Shkenca e mjekësisë dhe disciplina qytetare e institucionale do të mbizotërojnë mbi fuqitë tani më mirë të njohura të virusit.

Të jemi të kujdesshëm dhe të vemendshëm për të kufizuar mundësitë e përhapjes së virusit, derisa fuqitë imunobiologjike të çdonjërit prej nesh në përmasa botërore përfundimisht ta shkatërrojnë atë.

Ju lutem që të mos frikësoheni, frikën e pa arsyeshme zëvendësojeni me dashurinë për më të dashurit, bashkëkombasit dhe gjithë njerëzimin.

Frika dhe ankthi nga brengosja e tepëruar shoqërojnë stresin i cili i zvogëlon fuqitë imunobiologjike të rrezistencës së njeriut ndaj virusit, prandaj mos ta dobësojmë armën tonë më të fuçishme, imunitetin tonë natyral.

T`i respektojmë me përpikmëri vendimet dhe kërkesat e institucioneve tona shtetërore dhe të mos kemi fare frikë sepse situata në përmasa globale botërore është nën kontrollë të plotë.

Ndajeni me të afërmit dhe miqtë tuaj! Me fat, Zoti i Madhërishëm na ndihmoftë!