Deputetja e VV, Fitore Pacolli, ka treguar për rregulloren e re të Bankës Qendrore të Kosovës.

Ajo ka bërë me dije se kjo rregullore iu mundëson qytetarëve që llogaritë aktuale t`i konvertojnë në xhirollogari pagese me shërbime bazike.

Sipas saj, rregullorja e re i detyron bankat komerciale në Kosovë të ofrojnë xhirollogari me shërbime bazike pa pagesë ose me kosto minimale.

“Nëse nuk i përdorë shërbimet bankare shtesë nuk ke pse të paguash për to. Tani me rregulloren e re të BQK-së keni të drejtë të konvertoni llogarinë aktuale në xhirollogari pagese me shërbime bazike. Rregullorja e re detyron bankat komerciale në Kosovë të ofrojnë xhirollogari me shërbime bazike pa pagesë ose me kosto minimale që nuk kalon 0.54 centë për muaj për qytetarët”, ka shkruar Pacolli.