Partia Fjala hap zyrtarisht fushatën për zgjedhjet e 6 tetorit

Prishtinë | 25 Sht 2019 | 11:53 | Nga Ekonomia Online Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Partia Fjala ka hapur zyrtarisht fushatën, për zgjedhjet e parakohshme të 6 tetorit, raporton Ekonomia Online.

Kryetari i kësaj partie, Gëzim Kelmendi tha se do ta ndryshojnë mendësinë politike 20 vjeçare e cila sipas tij, i ka varfëruar qytetarët.

“Sot partia Fjala ka hapë zyrtarisht fushatën për zgjedhjet e 6 tetorit ne sot nuk i kemi ftuar qytetarët në fushatë arsyeja është se qytetarët për 20 vite pas luftës janë varfëruar dhe mashtruar dhe tash është e tepërt që të kërkojmë prej tyre të dalin në tubime zgjedhore”.

“Ne si parti jemi ata që duhet të shkojmë te qytetarët e jo ata të vijnë tek ne. Ne do ta ndryshojmë këtë mendësi politike dhe kjo na dallon ne nuk pajtohemi asnjëherë që populli të jetë në shërbim të politikës”.

“Ne do t’i ndalojmë të gjitha privilegjet që kanë ardhur nga politika. Ne kemi parë që kandidatët e partive politike e kanë punuar të kundërtën e asaj që e kanë premtuar, edhe korrupsionin edhe gjitha fenomenet e tjera janë në kundërshtim me veprat e tyre. Ne kandidojmë me kandidatë në komuna të ndryshme”.

Partia Fjala në këto zgjedhje garon me 53 kandidatë për deputetë.

Të ngjashme